nata arog kaini ang buhay ko?
Sunday, March 25th, 2007…sa gabos na magkakaklase kang high school, saro ako sa medyo nakaka-angat pagsiring sa pag-adal. iyo ma nanggad ta nakapag klase ako sa sarong dakula asin best pag engineering ang pinag-urunan. pag nag-uuli ako sa Bicol, pag nahihiling ako kan mga kaklase ko, tigsasabe sakuya na maswertihon ako ta naka graduar ako siring nasa magayon ako na kumpanya, nababakal ko ang mga gusto ko, mga luho sa buhay nasakuya man (nakakaiggit daa?!).
sa totoo sana, una kang iba maugma ako sa estado kang buhay ko ngunyan pero dai aram kang iba kung ano ang igwa sa kung yaen ako ngunian. makulog sa buot na isipon na dipisilon palan ang maghanap ki kwarta, maski dae ko man masyado worry ang kwarta sa ngunian… ang nawawara sakuya ang buhay ko. nauuyam ako sa ibang tawo na nakapaligid sako, maski ano ang gibuhon ko still not enough. minsan natatapakan na ang pagkatawo ko, garo minsan ang iling ko sa sadiri ko warang kwenta, warang magigibo na marhay. naglalaog ako sa trabaho na igwa pirming worry na sa kung ano na naman ang dai ko naginibo, kung ano ang dapat na naisip ko pero dai ko naisip na gibuhon. basta, dae nindo maiintindihan ang tigsasabe ko pero nagpupuon na ako na maging mapait sa bawat aldaw na nagtatrabaho ako. minsan may mga tawong abo kong mahiling, ta nararaot ang aldaw ko talaga once nagpuon na naman magtaram. ang mga gibo nya tigpapasa sako maski dai ko na gibo at ang mga kulang nya ako ang sisisihon. hay, buhay… yodi talga… Garo minsan gusto ko magmuda pero dai ko maginibo ta dai ako nasanay na magsabe ki arog kaito. minsan nagiging pakitang-tawo na sana ako tanganing dai ng problema. Yodi, yodi, yodi talaga!
minsan tig-isip ko, nata ang mga kaklase ko kang elementary & high school maski may mga agom at aki na, garo warang mga problema sa buhay. nata ako, sa edad kong ini, warang aki asin agom garo dakulaon na ang problema ko… ang itsura ko nagiging gurang na dahil sa stress. minsan gusto ko magduman sa alawigon na lugar, sa warang signal ang cellphone asin dae ko dara ang laptop ko. pirmi kc maski sabado dumingo, trabaho man guiraray ang gibo ko. arog gunian, bilog na dumingo, arog kaini ang gibo ko… tapos sa kadakulan kag ginigibo ko garo wara akong natatapos…
baka nagtataka kamo kung nata Bicol ang gamit ko ngunian.. mas maray na arog kaini, ta may mga pde na makabasa na tawo na tiguuyaman ko. minsan mas marhay na may aram ka na dai aram kang iba… salamat na marhay sa bicol asin sa blog, ta nakakapagluwas ako kang kulog kang buot ko.
